Wednesday, December 3, 2014

முட்டை கொள்முதலும்.. கூமுட்டை மணியும்..!

பர்சேஸ் மணி வந்து கேண்டீன் ரோக்கா கொடுத்துவிட்டு நின்றான்...

நான் அதை மேய்ந்தவாரே...  என்னய்யா இது, ஒரு முட்டை ரெண்டு முட்டை வாங்கினாலே நாலு ரூபாய்க்கு கடைல கிடைக்குது, நீ 100 முட்டை வாங்கினதுக்கு 3.90 கொடுத்து வாங்கிருக்கியே? மொத்தமா 100 முட்டையா வாங்கினாலும் வெறும் பத்து காசு தான் குறைப்பாங்களா??

அட போங்க சார், கொஞ்சங் கூட வெவரம் இல்லாமலேயே பேசுறீங்களே...?!  இப்பல்லாம் முட்டைய மொத்தமா வாங்கினால் சில்லரை விலையை விட காசு கூடுதல் சார்...   நானா இருக்கங்காட்டி அடிச்சி புடிச்சி பத்து காசு கம்மியா வாங்கியிருக்கேன் சார்...!!

யோவ்... என்னையா? என்னை லூஸுன்னு நினைச்சியா?

நீங்க லூஸு இல்லன்னா, ஐ ஏ எஸ் அதிகாரிங்க, அமைச்சருங்க, முதலமைச்சரு, மக்கள் முதல்வர் இவிங்க எல்லாம் லூஸா சார்?

என்னய்யா ஆச்சு உனக்கு? சம்பந்தமே இல்லாம மாத்தி மாத்திப் பேசி குழப்பற?

பின்ன  என்னா சார்....  100 முட்டை வாங்கினதுக்கே, நான் பத்து பைசா கம்மியா வாங்கியிருக்கேன், ஆனா ஒரு நாளைக்கு 48 லட்சம் முட்டை வாங்க 51 காசு அதிகமா கொடுத்து வாங்கியிருக்காங்க சார்....   !!!!!

அடங்கொன்னியா.....   என்னாய்யா சொல்ற?

ஆமா சார்...  நான் உங்க கிட்ட வேலை பார்க்குறதுக்கு பதிலா என்னைய மாத்திரம் அரசாங்கத்துல இந்த முட்டை வாங்குற வேலைக்கு சேர்த்தாங்கன்னா, வருஷத்துக்கு நம்ம தமிழக அரசுக்கு இருநூறு கோடி ரூபாய்க்கு மேல மிச்சம் பண்ணிக் கொடுப்பேன் சார்...!!

அது என்னய்யா 200 கோடி ரூவா கணக்கு????!!!

தமிழ்நாட்டுல ஒரு நாளைக்கு ஒன்னாங்கிளாஸ்ல இருந்து பத்தாங்கிளாஸ் வரைக்கும் 48 லட்சம் மாணவர்கள் சத்துணவு சாப்பிடுறதா தினகரன் பேப்பர்ல போட்டிருக்காங்க சார்...!!

48 லட்சம் பேருக்கும் வாரத்துல 5 நாள் முட்டை போடுறாங்களா?  அப்புடீன்னா வாரத்துக்கு எத்தினி லட்சம் முட்டை சொல்லுங்க??

2 கோடியே 40 லட்சம் முட்டை....!

ஒரு வருஷத்துக்கு எத்தினி வாரம் சார்....?

52 வாரம் வரும்யா...

அப்டீன்னா வருஷத்துக்கு எத்தினி முட்டை சார்...?

124 கோடியே 80 லட்சம் முட்டை வருதுய்யாஆஆஆ...!!!

ஒரு வருஷத்துக்கு 125 கோடி முட்டை எல்லாம் வாங்குறதுன்னா, அத சில்லரை கடை விலையை விட கூடுதலா குடுத்து வாங்க நான் ஒன்னும் கூமுட்டை இல்ல சார்...!!!

உற்பத்தியாளர்கிட்டயிருந்து ஒரு லாபம் வச்சி ஹோல் சேல் வியாபாரிக்கிட்ட வந்து, அவங்க கிட்ட இருந்து ஒரு லாபம் வச்சி, ஒவ்வொரு ஊரு டீலருக்கும் வந்து சேர்ந்து, அவங்க ஒரு லாபம் வச்சி சில்லரை கடை காரங்களுக்கு கொடுத்து, அவங்க ஒரு லாபம் வச்சி நமக்கு தரும் போதே 4 ரூபாய்க்கு தர முடியுதுன்னாஆஆஆஆஆஆஆஆஆஆ....

அந்தந்த மாவட்டத்துல ரெண்டு முட்டை உற்பத்தியாளரை புடிச்சி,  இந்தந்த பள்ளிக்கு இவ்ளோ இவ்ளோ முட்டை தினம் ஃப்ரீ டெலிவரியா இறக்கனும்ன்னு டீல் போட்டாலே போதும் சார், வெறும் 3 ரூபாய்க்கே கூட கொண்டு வந்து கொடுத்து தலைக்கு மேல கைய தூக்கி கும்பிட்டுட்டு போவாங்க சார்...!!!

அவர் ஒன்னும் விலையை குறைச்சு கூட தர வேண்டாம் சார். நடுவுல இருக்குற ஹோல் சேல் வியாபாரி, டீலருங்க, கடைக்காரர் இவங்க மூனு பேரோட லாபத்தை நமக்கு தள்ளிவிட்டாலே போதும், நான் சொல்ற ரேட்டுக்கு ஜம்முன்னு கொடுக்கலாம்...!

அப்புடி பார்க்கும் போது வருஷத்துக்கு 125 கோடி முட்டைக்கு 1.50 மிச்சம்னா எவ்ளோ மொத்த லாபம்ன்னு சொல்லுங்க சார்???

187 கோடி ரூபாய்யா............!

அப்புடி இருந்தாலும் நீ சொன்ன 200 கோடில 13 கோடி ஷார்ட்டேஜ் வருதேய்யா???

அட போங்க சார்....!  பர்ச்சேஸுக்கு பத்து பர்செண்ட் கமிஷன் வாங்கினா கூட அதுல 13 கோடிய கவர்மெண்ட்டுக்கு கொடுத்துட்டு பாக்கிய எங்க வீட்டுக்கு வெள்ளை அடிக்க வச்சிக்குவேன் சார்....!!

என்னைய மட்டும் அந்த டிபார்ட்மெண்ட்டுக்கு அமைச்சரா ஆக்கினா முட்டைல மட்டுமே நம்ம தமிழ்நாட்டுக்கு 200 கோடி ரூவா லாபம் சம்பாதிச்சி கொடுப்பேன்....   இப்ப அந்த பணம் எல்லாம் யார் யாருக்கு பங்கா போயிட்டிருக்கோ தெரியல....!!!!

டிஸ்கி: போன திமுக ஆட்சியில மாசா மாசம் டெண்டர் விட்டு, அந்தந்த மாவட்ட நிர்வாகமே, அங்கங்கே பர்சேஸ் பண்ண வழி செஞ்சி ஊழல் இல்லாம சந்தை விலையை விட குறைவா வாங்கின முட்டையை, இந்த ஆட்சியில் வருடத்திற்கு ஒரு டெண்டர் என்று மட்டுமே விட்டு, அதையும், மாநில அளவில் இரண்டே நிறுவனங்கள் மட்டுமே சப்ளை பண்ணும்படி ஏற்பாடு பண்ணியிருக்காங்க. அதுனால தான் இவ்ளோ ஊழல்...

மக்களே இப்போ சொல்லுங்க...

திமுக ஆட்சி பெஸ்ட்டா?   அதிமுக ஆட்சி பெஸ்ட்டா?

2 comments:

Anonymous said...

admk is best worst is ever dmk da kozhi

அ. முஹம்மது நிஜாமுத்தீன் said...

முட்டை கொள்ளை அடிக்க...
சாரி, முட்டை கொள்முதல் செய்ய..
இவ்வளவு தகிடுதத்தம் செய்றாங்களா?